Festivalen Bygdalarm har hatt tevling om beste Joni Mitchell-omdikting og jamen vann eg ikkje! Eg har omsett og omdikta Mitchell sin newyorkske «Chelsea Morning» til jostedalske «Sognamorgon». Les om det her hjå NRK Sogn og Fjordane og her hjå Bygdalarm.
Min versjon av songen ligg til venstre nedanfor, Joni Mitchell sin original til høgre. Det er mykje som kan seiast om Mitchells finurlege rimmønster, bokstavrim og rytmikk, og det skal eg gjere ein annan gong.
Sognamorgon
| Stod opp det var ein sognamorgon, og det fyrste eg vart vâr var ein tone utfor glaset, der i lufti still og klar kom han ringlande frå storbreen, frå gjøl og over rindar |
Woke up it was a Chelsea morning, and the first thing that I heard Was a song outside my window, and the traffic wrote the words It came a-reeling up like Christmas bells, and rapping up like pipes and drums |
| Å kan du bli Lat dagen vår gli Natti kjem med austavindar Stod opp Å kan du bli Og gardina opnar seg |
Oh, won’t you stay We’ll put on the day And we’ll wear it «till the night comes Woke up Oh, won’t you stay Now the curtain opens on |
| Stod opp det var ein sognamorgon, og det fyrste eg forsto var at hellekaker venta, og espresso heit som glo Eplesyltety og rømme skein i gull med morgonsoli Å kan du bli Når gardina dreg seg att |
Woke up it was a Chelsea morning, and the first thing that I knew There was milk and toast and honey and a bowl of oranges, too And the sun poured in like butterscotch and stuck to all my senses Oh, won’t you stay When the curtain closes and |
Songen ser elles finare ut sett opp på denne måten:
Stod opp, det var ein sognamorgon,
og det fyrste eg vart vâr
var ein tone utfor glaset,
der i lufti still og klar
kom han ringlande frå storbreen,
frå gjøl og over rindar
Å kan du bli
Lat dagen vår gli
Natti kjem med austavindar
Stod opp, det var ein sognamorgon,
og det fyrste som eg såg
var ei sol nett bak gardina,
og ein regnboge som låg
over bleik tapet med fargespel,
purpur, koboltblått og sitrus
Å kan du bli
Lat dagen vår gli
Kvart sekund er sol og sirkus
Og gardina opnar seg og gjev eit dagsportrett:
I kvar bjørkekrull er grøne rom
Ein jonsokblom
Ein sommar som
ventar på å bli sett
Stod opp, det var ein sognamorgon,
og det fyrste eg forsto
var at hellekaker venta, og espresso heit som glo
Eplesyltety og rømme skein
i gull med morgonsoli
Å kan du bli
Lat dagen vår gli
Me skal bruka verb i notid
Når gardina dreg seg att og regnbogen forsvinn
skal eg gje deg ljos om det er natt
og dagen att
og sommar att
om du kan vera min
Fine guten, kan du
stå opp i ein sognamorgon?
No comments
Comments feed for this article
Trackback link: http://www.jostedalsrypa.no/blogg/wp-trackback.php?p=3472